श्रपृनि समूह अर्थात श्रमिक ,पृथक ,निरक्षरको समूह ।
के हो श्रपृनि समूह ?यहाँ अति नै संक्षिप्तमा रुपमा बुझ्ने र बुझाईने प्रयत्न गरिनेछ ।
श्रपृनि समूह यौटा साहित्यीक समुह हो । अझ भनौँ साहित्यमा भर्खर भर्खर बामे सर्न लागेका युवाहरूको यौटा छुट्टै समुह हो जसमा तीनजना आबद्ध छन् छौँ ।
सामूहिक रुपमा हातेमालो गर्दै अगाडी बढ्दा साहित्यीक यात्रा अझ राम्रो , सुब्यबस्थीत र सहज हुनेछ भन्ने हामीलाई लागेको छ । हुन त जुनसुकै यात्रा पनि भनेजस्तो र सोचेजस्तो सजिलो सहज हुँदैन । त्यसमाथि यो साहित्यीक यात्रा त आफैमा यौटा साधना हो ।यौटा तपस्या हो । यो त सहज हुनै नसक्ला ।
तर कुरा के भने हाम्रो समूहमा हुने सामुहिक छलफल, अन्तरक्रीया ,बादबिबाद, भनाभन ,सोधासोधले रचनाहरुको स्तर केही न केही रुपमा उकासिन्छ ,उकासिनुपर्छ पनि ।
भोलीका दिनहरुमा नेपाली साहित्यको चर्चा परिचर्चा हुँदै गर्दा हाम्रो यो श्रपृनि समूहलाई अलग्याएर कसैले पनि जाने आँट नगरुन् । या यो श्रपृनि समूहलाई अलग्याए त्यो चर्चा परिचर्चा ,ब्याख्या बिशलेण गरियो भने त्यो अधुरो होस् ।अधुरो ठानियोस । हो ,त्यो स्तरमा पु-याऊनु पर्छ यो समुहलाई ।पु-याउनु छ यो श्रपृनि समूहलाई । हाम्रो समुहका लागि यो एक कीसिमको चुनौति हो सँगसगै अवसर पनि ।
एकले अर्कोको सकारात्मक गुणलाई सकारात्मक पक्षलाई हौस्याउदै अनि कमी कमजोरी नकारात्मक पक्षलाई डाँडा कटाउने ल्याकत हामीले राख्नुछ, राख्नुपर्छ र राखिनेछ पनि ।
झट्ट सुन्दा ' श्रपृनि ' भन्ने शब्द 'सप्रिने 'जस्तो सुनिन्छ ।तसर्थ त्यसरी सुनिएको अर्थले सङ्केत गरेजस्तै अब हामीले जो जहाँ छौ ।जस्तो छौँ, जस्ता छौँ ,सो अबस्थाभन्दा अगाडी बढ्नु छ ।अर्थात सप्रीनु छ ,बिग्रीनु होइन । सुधार हुनुछ । बन्नु छ । बनाउनु छ ।
अनि अर्को कुरो हाम्रो यो समुहलाई यौटा साहित्यीक समुहका रुपमा मात्र पनि नबुझ्नु होला । किनकी यो श्रपृनि समूह यौटा पृथक बिचार बोकि हिड्ने बैचारिक समुह पनि हो । यो यौटा उदाउदै गरेको बौद्धीक समूह पनि हो । साथसाथै यो अर्को कुरो पनि भन्नै पर्ने हुन्छ कि यो श्रपृनि समूह उदाउदै गरेको लेखकहरूको समूह हो । सिकारू लेखकहरुको समूह पनि हो । श्रपृनि समूह का बैचारीक लेखहरु तपाईले बिभिन्न पत्रपत्रीकामा पढ्दै आईरहनु भएको थियो । पढ्दै आइरहनु भएको छ र आगामी दिनहरुमा पनि पढ्न पाइरहनु हुनेछ ।
श्रपृनि समूह यौटा छुट्टै, बेग्लै, बिशेष र खास समुह हो ।
अझ भनौ 'पृथक' समूह हो । नजान्नेबाट जान्नेतिर उन्मुख हुदै गरको यौटा त्रि-हस्ति समुह हो ।
'निरक्षर'बाट साक्षर हुदै अगाडी बढेको समुह हो । यो समूह नेपाली साहित्यीक क्षेत्र, बौद्धीक क्षेत्र र पत्रकारिता क्षेत्र मा श्रम गर्न रूचाउने र श्रम गरेरै श्रमका आधारमा आफ्नो पृथक पहिचान बनाऊन लागि परेको समूह हो ।
जो आफ्नो छुट्टै पहिचान बनाउन निरन्तर श्रम गरिरहेछ । निरन्तर लागिपरेको छ ,लागी पर्नेछ र लागिपरिरहनेछ ।निरन्तर श्रम गर्दै 'श्रमिक' बनेर ।
