अभियान बोकेर हिडेको मान्छे ॥

निरक्षर निरौला

को हो सहिद ?(गजल-शिर्षक)

यौटा अभियान बोकेर हिडेको मान्छे ॥
कसले भन्यो हँ ? धोकेर हिडेको मान्छे॥

चल्ने मात्रै हैन देश, दौडनु पर्छ भन्दै
आफ्नै जिन्दगी रोकेर हिडेको मान्छे॥

रिसाएकै हो ऊ- ठूलाठालुबाट
आँखा तर्दै दाँत टोकेर हिडेको मान्छे ॥

धेरै धेरै थिए- गद्दारहरु त्याहाँ
छानी छानी गोली ठोकेर हिडेको मान्छे ॥

'बाँच र बचाऊ' हैन 'बचाऊ र बाँच' भन्ने
 त्यस्तो दुर्लभ सिद्धान्त घोकेर हिडेको मान्छे॥

तरबारको धारमा राखेर जीन्दगी
प्रत्येक क्षण मृत्यु खोकेर हिडेको मान्छे ॥

-शंकर निरौला 'निरक्षर '